Contact Us

    +

    Yfirlit

    Paradís utanvegahlauparans

    Hornstrandir eru sannkölluð paradís utanvegahlauparans. Þangað liggja engir vegir og eina leiðin til að komast þangað er sjóleiðis. Seglskútan Arktika er eins og færanlegur fjallaskáli, sem flytur okkur frá Ísafirði í Friðlandið á Hornströndum og Jökulfjörðum. Engin byggð er lengur á Hornströndum en þar var áður búið á bæjum og stöku þorp höfðu myndast. Við sjáum ummerki þess en einnig fuglalíf og refaslóðir en refurinn er friðaður á Hornströndum. Hornbjarg og Hælavíkurbjarg eru tvö af stærstu fuglabjörgum landsins og þar verpa margar tegundir sjófugla. Friðlandið er jafnframt heimkynni sela og líkur eru á því að sjá hnúfubaka, háhyrninga og höfrunga á siglingunni yfir Djúpið.

    Sums staðar sést móta fyrir stígum á okkar leið en annars staðar eru engir stígar og því leiðirnar sannarlega utan-vega. Við reynum að koma við á Hornbjargi, Hesteyri, Aðalvík, Hrafnfirði og fleiri áhugaverðum stöðum.

    Búast má við að hlaupa 15-30km á dag en vegalengdina er auðveldlega hægt að stilla af eftir því sem hentar hópnum og einstaklingum. Stundum förum við úr einum firði yfir í annan og þarf þá að fara yfir fjallaskörð svo það má búast við hækkun á bilinu 500-1500 metrum á dag.

    Allur matur er innifalinn í ferðinni frá því lagt er af stað frá höfninni á Ísafirði kl 9:00 á fimmtudegi þar til komið er aftur til hafnar í kringum kl 16:00 á sunnudegi. Ef fólk kýs að næra sig á gelum og próteindrykkjum er vissara að taka það með að heiman.

    Skútan Arktika tekur 12 gesti og verður heimili okkar í 4 daga. Á skútunni eru fjórar gestakáetur, tvær fjögurra manna og tvær tveggja manna. Einnig er setustofa, eldhús og aðstaða fyrir skipstjóra og starfsfólk. Það er því nóg pláss um borð. Við tökum með kayak og SUP (stand up paddle board) sem hægt verður að grípa í þegar við erum ekki að hlaupa. Skipstjóri er Ólafur Kolbeinn Guðmundsson, með áratuga reynslu á sjó.

    Inga Fanney hefur sérhæft sig í hlaupaferðamennsku undanfarin 10 ár og leitast eftir að fara hlaupandi um óbyggðir Íslands, Grænlands og Færeyja. Hún hefur starfað sem leiðsögumaður í 20 ár og boðið upp á hlaupaferð á Hornstrandir síðan 2014. Fleiri myndir frá þeim ferðum og fleirum er að finna á instagram síðunni hennar @ingafann.

     

    hlaupaferð á hornstrandir
    hlaupaferð á hornstrandir hlaupaferð á hornstrandir

    Afþreying

    ELTU ÆVINTÝRIN

    Hvort sem þú hefur áhuga á því að vera fyrstur til að skíða brekkurnar, fara á kayak um Jökulfirðina eða einfaldlega njóta náttúrunnar frá landi eða skútu þá er þessi ferð fyrir þig.

    • Hlaupaleiðsögn um svæðið
    • Kayak í Jökulfjörðum
    • Stand up paddleboarding

    Innifalið

    LÁTTU OKKUR SJÁ UM ALLT

    Þú þarft bara að mæta á höfnina á Ísafirði og við sjáum um allt sem þú þarft næstu 4 daga.

    • 4 Dagar/3 Nætur um borð í skútu
    • Allur matur (ekki áfengi)
    • Áhöfn og skíðaleiðsögumaður
    • Notkun á Stand-Up Paddleboards (SUP)

    Gisting

    • Aurora

      er fyrrum keppnisskúta sem hefur farið fjórum sinnum í kringum heiminn. Undir sínu fyrra nafni, Antilope, sigldi Sir Robin Knox-Johnson, fyrstur manna hringinn í kringum jörðina einsamall.

      Upphaflega var skútan byggð fyrir fimmtán áhafnarmeðlimi en hefur nú verið vandlega útbúin fyrir leiðangra með pláss fyrir 10 gesti og tvo áhafnarmeðlimi með rúmgóðu sameiginlegu rými og eldhúsi.

      Báturinn er upphitaður, með heitu og köldu vatni, tveimur salernum, einhvers konar sturtu, 220v rafmagni til að hlaða batterí, síma og þess háttar.

    • KOMDU ÞÉR FYRIR

      Þó svo að sigla geti verið nokkuð auðvelt og náttúrulega nytsamlegt, hefur Aurora verið hönnuð til þess að tryggja þægilega gistingu og sameiginleg rými fyrir gestina okkar.

      Báturinn er upphitaður, með heitu og köldu vatni, tveimur salernum, einhvers konar sturtu, 220v rafmagni til að hlaða batterí, síma og þess háttar.

    Weather & Gear

    hlaupaferð á hornströndum

    VERTU UNDIRBÚIN/N FYRIR HIÐ ÓVÆNTA

    Þrátt fyrir mikinn undirbúning, getur veðrið verið ófyrirsjáanlegt, svo það er alltaf gott að vera undirbúinn fyrir óvæntar aðstæður. Útbúnaðarlisti fylgir hér, hins vegar geta aðstæður verið breytilegar milli ferða.

    • Utanvegahlaupaskór (1-2 pör)
    • Hlaupafatnaður
    • Svefnpoki
    • Þægilegur fatnaður til að vera í á bátnum
    • Hlýr fatnaður til að vera í á siglingu
    • Dún eða primaloft jakki
    • Vatnsheldur jakki fyrir hlaup
    • Ullar/flís húfa/buff
    • Vettlingar
    • Þægilegir skór til að vera í á bátnum (inniskór td)
    • Mjúk taska eða duffel (ekki harðar ferðatöskur)
    • Sólgleraugu
    • Sólarvörn
    • Sundfatnaður og handklæði
    • Hlaupabakpoki (5-10 l)
    • Lítið skyndihjálpar kit (eigin lyf, plástrar, hálstöflur, varasalvi, sjóveikistöflur o.s.frv.)
    • Vatnflaska
    • Myndavél

    2021 Dagsetningar

    Veldu dagsetningu til að bóka

    Hlaupaferð á Hornstrandir

      +